Türkiyəli məşhur aktrisa Fahriye Evcen 40 yaşını qeyd edib.
Lent.az Türkiyə KİV-nə istinadla xəbər verir ki, sosial mediadan aktiv istifadə edən Evcen doğum günü ilə bağlı paylaşım edib.
O, dostları ilə yaxtada keçirdiyi doğum günü fotolarını “Çəhrayı rəngli kombin və çəhrayı çiçəkli tort. 40 ildir ki, bu çiçək açır” başlığı ilə paylaşıb. Onun paylaşımına izləyicilərdən çox sayda bəyənmə və şərh gəlib. Burak Özçivit isə həyat yoldaşının fotosuna “Qəlbim” şərhini yazıb.
Qeyd edək ki, Burak Özçivit və Fahriye Evcen 2013-cü ildə “Çalıkuşu” serialının çəkiliş meydançasında başlayan münasibətlərini 2017-ci ildə evliliklə rəsmiləşdiriblər.
Məşhur cütlüyün 2019-cu ildə ilk övladları Karan, 2023-cü ilin yanvar ayında isə ikinci oğulları Kerem dünyaya gəlib.
Sosial mediada aktiv olan məşhur aktrisanın 13,7 milyon izləyicisi var. Hazırda hər hansı bir layihədə yer almayan aktrisa sosial media paylaşımları ilə böyük maraq qazanır.
fahriye evcen burak özçivit doğum günü
Mənbə: lent.az