"Qalatasaray"ın məşhur futbolçusu Mauro İkardinin keçmiş həyat yoldaşı Vanda Nara qalmaqallı addım atıb.
Lent.az xarici KİV-ə istinadən xəbər verir ki, Nara İkardinin evli olduqları dövrdə hədiyyə aldığı İtaliyanın Komo gölü sahilində yerləşən lüks villanı satışa çıxarıb.
İtaliyanın Brienno qəsəbəsində yerləşən bu mülk üçün qiymət 8 milyon avro müəyyən edilib. Bildirilir ki, villanın sənədləri Vanda Naranın adına qeydiyyatdadır və bu ev cütlüyün keçmişindən qalan ən xüsusi simvollardan biri sayılır.
2018-ci ildə təxminən 2,5 milyon avroya alınan villa aparılan təmir işlərindən sonra dəyərini xeyli artırıb. İki mərtəbəli evdə 8 otaq, 4 hamam, geniş terras, bağ, əlavə mənzillər, dayanacaq və gölə açılan xüsusi platforma mövcuddur.
Həmçinin Naranın uzun müddətdir villaya getmədiyi, 2025-ci ildə qonşuların baxımsız bağ və qapı önündə yığılan paketlərdən şikayət etdiyi də iddia olunur.
Qeyd edək ki, uzun müddət evli olan cütlük son zamanlar boşanma prosesindəki qalmaqallarla gündəmə gəlir.
mauro ikardi vanda nara hədiyə
Mənbə: lent.az