ABŞ, Böyük Britaniya və Avstraliyanın müdafiə nazirlikləri AUKUS sazişi çərçivəsində müasir sualtı pilotsuz aparatlarının hazırlanmasını davam etdirəcək.
"Report"un məlumatına görə, bu barədə nazirliklərin yaydığı birgə bəyanatda qeyd edilib.
Yeni aparatlar 2027-ci ildə bu ölkələrin ordularının silahlanmasına daxil ola bilər.
İşlər AUKUS-un "ikinci sütunu" çərçivəsində aparılır. Razılaşmanın bu hissəsi qabaqcıl müdafiə texnologiyalarının, o cümlədən kvant, sualtı və hipersəs texnologiyalarının, süni intellekt və kibertexnologiyaların hazırlanmasını nəzərdə tutur.
ABŞ-nin müharibə naziri Pit Heqsetin sözlərinə görə, ölkələr sualtı əməliyyatların dəstəklənməsi üçün nəzərdə tutulmuş çoxməqsədli sualtı pilotsuz aparatlar kompleksi hazırlayacaq.
Mənbə: report.az