Məşhur britaniyalı ürək cərrahı Jeremy London uzunömürlü olmaq istəyən insanların rasionunda olmamalı məhsulları açıqlayıb. Onun fikrincə, bəzi qida məhsulları həyat müddətinə mənfi təsir göstərə bilər.
Lent.az bu 4 qidanı təqdim edir:
Hansı məhsullar təhlükəlidir?
Həkim aşağıdakı məhsulları xüsusi qeyd edib:
spirtli içkilər
emal olunmuş ət məhsulları
şəkərli içkilər
doymuş yağların həddindən artıq qəbulu
Şəkərli içkilər - “boş kalorilər” Mütəxəssis qazlı və şəkərli içkilərə xüsusi diqqət çəkib. Onun sözlərinə görə, bu içkilər “boş kalori” mənbəyidir yəni toxluq hissi yaratmır, amma gündəlik kalori qəbulunu ciddi şəkildə artırır. Bu isə çox vaxt gizli şəkildə artıq yeməyə və çəki artımına səbəb olur.
Spirt və emal olunmuş ət Ümumdünya Səhiyyə Təşkilatı bu məhsulları birinci kateqoriyalı kanserogenlər siyahısına daxil edib, yəni onların xərçənglə əlaqəsi elmi şəkildə sübut olunub. Eyni mövqeni Cancer Research UK da dəstəkləyir. Bu qurum bildirir ki, emal olunmuş ətin xərçəng riskinə təsiri siqaret və spirtlə müqayisə ediləcək qədər ciddi sübutlara əsaslanır.
Doymuş yağların çoxluğu London həmçinin yağlı ət, kərə yağı və yağlı süd məhsullarının həddindən artıq istifadəsindən çəkinməyi tövsiyə edib. Lakin bu məsələ ilə bağlı bütün mütəxəssislər eyni fikirdə deyil. Məsələn, Sarah Berry qeyd edir ki, süd məhsulları ilə ürək-damar xəstəlikləri arasındakı əlaqə o qədər də birmənalı deyil.
Balans vacibdir Həkim vurğulayır ki, söhbət bu məhsullardan tam imtinadan getmir. Əgər insan vaxtının təxminən 80%-də sağlam qidalanırsa, bu artıq yaxşı nəticə sayılır. Əsas məsələ bu məhsulları rasionun əsas hissəsinə çevirməmək və ölçülü istifadə etməkdir. Ümumdünya Səhiyyə Təşkilatının tərifinə görə, emal olunmuş ətə dadını artırmaq və saxlama müddətini uzatmaq üçün duzlama, hisə vermə, fermentasiya və digər üsullarla işlənmiş məhsullar daxildir. Bunlara kolbasa, vetçina, sosiska, qurudulmuş ət, ət konservləri və müxtəlif yarımfabrikatlar daxildir.
Sağlıq kardioloq sağlam qidalanma zərərli qidalar