Sakinlər doğma ocaqlarında yaşayıb-yaratmaqla valideynlərinin ruhunu şad edəcəklər.
Bunu "Report"un Xocavəndə ezam olunan əməkdaşına açıqlamasında Xocavənd kənd sakini Məhbubə İbrahimova deyib.
O, ömrünün qalan hissəsini ata-baba yurdunda yaşamaq istədiyini vurğulayıb:
"Artıq 51 yaşımdayam, doğma ocağımıza qayıtdığımız üçün inanılmaz dərəcədə xoşbəxtəm. Kaş ata-anam da bu sevincli günlərimizi görəydi... İnanıram ki, öz yurdumuzda yaşayıb-yaratmaqla valideynlərimizin ruhunu şad edəcəyik".