Pomidorlar yayda bağın əsas bitkilərindən biri olsa da, onların yanında hansı bitkilərin əkilməməli olduğunu bilmək çox vacibdir.
Lent.az xarici mediaya istinadən xəbər verir ki, bütün bitkilər pomidor üçün yaxşı “qonşu” sayılmır. Bəziləri xəstəlik riskini artırır və ya bu tərəvəzlərin inkişafını zəiflədir.
Kartof
Pomidor və kartof eyni badımcançiçəklilər (paslenovlar) fəsiləsinə aiddir. Bu isə onların fitoftoroz kimi eyni xəstəliklərə həssas olmasına səbəb olur. Onları bir-birinə yaxın əkmək xəstəliklərin yayılma riskini artırır və hər iki bitkinin sağlamlığını zəiflədir. Bundan əlavə, kartof torpaqdan qida maddələri və su uğrunda pomidorla rəqabət aparır ki, bu da məhsuldarlığa mənfi təsir edir.
Badımcan və bibər
Badımcan və bibər də eyni fəsiləyə aiddir. Bu səbəbdən onlar pomidorlarla eyni zərərvericiləri və xəstəlikləri cəlb edə bilər. Unlu şeh və müxtəlif virus xəstəlikləri bu bitkilər arasında asanlıqla yayıla bilər.
Qarğıdalı
Qarğıdalı həm qarğıdalını, həm də pomidoru zədələyən zərərverici qarğıdalı güvəsini cəlb edə bilər. Bundan əlavə, qarğıdalı hündür bitdiyi üçün pomidorları kölgədə qoyur və günəş işığının çatışmazlığına səbəb olur. Bu isə məhsuldarlığı azalda bilər.
Kələm və digər xaççiçəklilər
Kələm, brokoli, gül kələmi və Brüssel kələmi pomidorlarla oxşar qida tələbatına malikdir. Bu isə torpaqda qida maddələri və su üçün rəqabət yaradır. Bundan əlavə, kələm tez-tez pomidorlara da hücum edə bilən zərərvericiləri cəlb edir.
Şüyüd
Adətən göyərtilər pomidor üçün yaxşı qonşu sayılır, lakin şüyüd istisnadır. Şüyüdün yetkin bitkiləri torpaqdakı qida maddələrini mənimsəyərək pomidorların kök inkişafını zəiflədə və onların böyüməsinə mane ola bilər.
Badımcan
Badımcan pomidorla qida maddələri uğrunda rəqabət aparır. Eyni zamanda fitoftoroz və digər göbələk xəstəliklərini yayma riski də var.
Pomidorlar fitoftoroz xəstəliyinə yoluxduqda, meyvələrdə çürümə və yarpaqlarda büzüşmə müşahidə olunur.
pomidorun yanında bu bitkiləri əkməyin