Türkiyənin Konya şəhərində bir neçə yük maşınının iştirakı ilə qəza baş verib.
Lent.az xəbər verir ki, hadisə Akşehir rayonunda qeydə alınıb.
Hakan Karapınarın idarə etdiyi yük maşını işıqforun qırmızı işığında gözləyən Osman Yiğitin idarə etdiyi yük maşınına çırpılıb.
Daha sonra Semih Çaprazın idarə etdiyi yük maşını Hakan Karapınarın idarə etdiyi yük maşınına, Nedim Kılıçın idarə etdiyi yük maşını isə qarşıdan gələn Semih Çaprazın idarə etdiyi yük maşınına dəyib.
Qəzada sürücü Nedim Kılıç yük maşınının kabinəsində sıxışıb qalıb ə hadisə yerində ölüb.
Xilasetmə qrupları Nedim Kılıçın cansız bədənini kabinədən çıxarıb.
Qəzada yaralanan TIR sürücüləri Semih Çapraz, Osman Yiğit və Hakan Karapınar təcili yardım maşınları ilə Akşehir Dövlət Xəstəxanasına aparılıblar.
