Bərdədə ağır yol qəzası nəticəsində ölənlərin kimliyi məlum olub.
"Report"un Qarabağ bürosunun məlumatına görə, "VAZ-2107" markalı avtomobillə "Mercedes" markalı nəqliyyat vasitəsinin toqquşması zamanı rayonun Seyid Yusifli kənd sakinləri - 1985-ci il təvəllüdlü Anar Rafiq oğlu Qocayev və 1986-cı il təvəllüdlü Eldəniz Ələkbər oğlu Qasımov ölüblər.
Qeyd edək ki, qəza zamanı daha 4 nəfər ağır xəsarətlər alıb. Yaralılar Bərdə rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
21:24Bərdədə baş verən ağır avtoqəza nəticəsində yaralananların kimliyi məlum olub.
"Report"un Qarabağ bürosunun məlumatına görə, "VAZ-2107" markalı avtomobillə "Mercedes" markalı nəqliyyat vasitəsinin toqquşması zamanı 1996-cı il təvəllüdlü Əliyev Səxavət Novruz oğlu, 2003-cü il təvəllüdlü Abbasov Ömər Vüqar oğlu, 2003-cü il təvəllüdlü Allahverdiyev Elşən Arif oğlu, 1991-ci il təvəllüdlü Qasımov Elçin Natiq oğlu xəsarət alıblar.
Yaralılar Bərdə rayon Mərkəzi Xəstəxanasına yerləşdiriliblər.
Qəza zamanı həmçinin 2 nəfər ölüb. Onların şəxsiyyəti dəqiqləşdirilir.
Faktla bağlı araşdırma aparılır.
20:44Bərdədə ölümlə nəticələnən ağır yol-nəqliyyat hadisəsi baş verib.
"Report"un Qarabağ bürosu xəbər verir ki, hadisə Saatlı kəndində qeydə alınıb. Belə ki, "VAZ-2107" markalı avtomobillə "Mercedes" markalı nəqliyyat vasitəsi toqquşub.
Qəza nəticəsində 2 nəfər ölüb, 4 nəfər ağır yaralanıb.
Xəsarət alanlar Bərdə Rayon Mərkəzi Xəstəxanasına yerləşdirilib.
Faktla bağlı araşdırma aparılır.
Bizim WhatsApp kanalımıza abunə olun
