Türkiyədə azərbaycanlı sürücü qəza törədib.
Lent.az yerli mediaya istinadla xəbər verir ki, hadisə Samsun-Ordu yolunda qeydə alınıb. Azərbaycan dövlət qeydiyyat nişanlı TIR-ın hərəkət zamanı əyləc sistemi qəfil işləməyib. Nəticədə iri yük avtomobili 4 avtomobili əzib. Maşın yol kənarındakı elektrik dirəyinə çırpılaraq dayana bilib.
Qəza zamanı 6 nəfər yaralanıb. Yaralılar xəstəxanaya yerləşdirilib.
Faktla bağlı araşdırma aparılır.
Hadisələr
