Ukraynanın Xarkov vilayətinin Boqoduxov şəhərində Rusiya silahlı qüvvələrinin hücumları nəticəsində dörd nəfər həlak olub.
"Report" xəbər verir ki, bu barədə Ukrayna KİV-ləri Fövqəladə Hallar Xidmətinə istinadən məlumat yayıb.
"Rusiya hərbçiləri pilotsuz uçuş aparatı ilə Boqoduxov şəhərinin fərdi ev sektoruna hücum edib. Zərbə tamamilə dağılmış yaşayış evinə dəyib. 60 kv. m sahədə yanğın baş verib. Nəticədə dörd nəfər - iki yaşınadək üç uşaq və bir kişi ölüb", - məlumatda bildirilib.