ABŞ-nin "Kolumbus Kru" klubuna keçən Nəriman Axundzadə daha əvvəl Azərbaycanda oynamış Nikolas Hagenlə komanda yoldaşı olacaq.
"Report"un məlumatına görə, Qvatemaladan olan qapıçı 2024-cü ilin dekabrından MLS təmsilçisində çıxış edir.
29 yaşlı qolkiper 2020/2021 mövsümündə "Səbail"in formasını geyinib.
Xatırladaq ki, "Kolumbus Kru" ötən gün Nəriman Axundzadənin transferini açıqlayıb. 21 yaşlı forvard peşəkar karyerasında yalnız "Qarabağ" klubunun şərəfini qoruyub.