"Qarabağ" komandası UEFA Çempionlar Liqasında pley-offa yüksəlməyi haqq edirdi.
"Report" xəbər verir ki, bunu "Qarabağ" klubunun baş məşqçisi Qurban Qurbanov deyib.
Mütəxəssis səfərdə "Liverpul"a qarşı keçirdikləri UEFA Çempionlar Liqasının əsas mərhələsinin VIII turunun qarşılaşması ilə bağlı fikirlərini bölüşüb:
"Bu cür hesabla məğlub olmaq istəməzdik, təəssüf hissi keçiririk. Lakin futbolçularımı təbrik edirəm. Keçirdiyimiz 8 oyunda çox risklər aldıq və çətin oyunlar keçirdik. Komandamız pley-off mərhələsinə yüksəlməyi haqq edirdi. Bu matçda daha yaxşı çıxış edə bilərdik. Bu bizim oyunumuz deyil. Oyunçularımızla matçdan sonra paltardəyişmə otağında söhbət etdik. Onlar da bildirdilər ki, daha yaxşı çıxış edə bilərdilər. Əmin olun ki, "Liverpul"la bir daha qarşılaşsaq, indikidən daha yaxşı təsir bağışlayarıq. Bununla belə, layiqli şəkildə əsas mərhələnin ilk "24-lüy"nə düşdük. Azərbaycan xalıqını təbrik edirəm".
O, "köhlən atlar"ın pley-off mərhələsindəki potensial rəqiblərini də dəyərləndirib:
"PSJ və "Nyukasl" komandalarının özlərinə xas oyun üslubları var. Rəqiblərdən asılı olmayaraq, həmin matçlara diqqətli hazırlaşacağıq".
Qeyd edək ki, "Liverpul" - "Qarabağ" oyunu meydan sahiblərinin 6:0 hesablı qələbəsi ilə bitib. Çempionlar Liqasının əsas mərhələsini 10 xalla 22-ci sırada bitirən "köhlən atlar" tarixində ilk dəfə pley-off mərhələsinə yüksəlib.