İvanovoda azərbaycanlılar anasını müdafiə edən kişinin kəllə sümüklərini sındıraraq döyüblər.
Lent.az Rusiya mediasına istinadla bildirir ki, hadisə oktyabr ayında baş versə də, indi açıqlanıb. Vladimir Kamenskinin anası azərbaycanlı Fail Ziyafəddin oğlu Allahverdiyevin ünvanına irad tutub. Belə ki, Fail bütün rus xalqını təhqir edərək, “donuz” adlandırıb. Vladimir səs-küydən yerə sıçrayıb və onunla Allahverdiyev arasında dava düşüb.
Allahverdiyev, Kamenskinin öhdəsindən gələ bilməyib, titrəyən əlləri ilə telefonda kiməsə zəng edərək hadisə yerindən qaçıb. 10 dəqiqədən sonra Allahverdiyevin özü, oğlu və qardaşı oğlu Vladimirdən söhbət etmək üçün bayıra çıxmağı tələb edərək Kamenskinin mənzilinə soxulmağa başlayıblar. O, çölə çıxanda Zaqafqazlılar onun üzərinə hücum çəkib döyməyə başlayıblar.
Döyüldükdən sonra Kamenski xəstəxanaya çatdırılıb və orada 10 gün müalicə olunub. Onun yeddi kəllə sınığı olduğu müəyyən edilib. Vladimir kraniotomiya əməliyyatı keçirməli, sümüyün bir hissəsini çıxarmalı və sonra titan plitələri taxmalı olub.
