Yanvarın 21-nə keçən gecə Moskva yaxınlığındakı evdə baş verən yanğın zamanı Sovet İttifaqının tanınmış marşalı Vasili Sokolovskinin 11 yaşlı nəticəsi faciəvi şəkildə ölüb.
Lent.az xarici KİV-ə istinadən xəbər verir ki, Mıtişi şəhərinin Trudovaya kəndində gecə yarısında ölən uşağın və onun 14 yaşlı bacısının olduğu taxta tikilidə yanğın baş verib. Məlumat üçün bildirək ki, həmin mülkdə marşalı qohumlarının bir neçə nəsli yaşayıblar.
Yanğın başlayanda qız pəncərədən tullanaraq xilas ola bilib, qardaşı isə yanğında dünyasını dəyişib. 77 yaşlı baba nəvəsini xilas etməyə çalışsa da, tüstü buna imkan verməyib. Baba da tüstüdən zəhərlənmə ilə reanimasiya şöbəsinə yerləşdirilib.
Qonşuların sözlərinə görə, ev kibrit kimi alışıb və çox tez yanıb. “Bütün kənd sakinləri dərhal yanğın yerinə qaçıblar. Ev tamamilə yanıb, yalnız kamin bacası kənarda qalıb - bu, dəhşətli mənzərə idi”, - hadisə şahidi bildirib.
Yanğın sahəsi 200 kvadratmetr olub. Onlar alovu söndürməyə müvəffəq olduqdan sonra yanğınsöndürənlər binanın qabığında ölmüş oğlanın cəsədini aşkar ediblər. İlkin versiyaya görə, yanğına səbəb soba avadanlığının nasazlığı olub.
QEYD
Vasili Daniloviç Sokolovski - Sovet İttifaqının marşalı, İkinci Dünya Müharibəsi illərində Qırmızı Ordunun komandanı. Georgi Jukovun qərargah rəisi olaraq Sokolovski Berlin döyüşünün planlaşdırılmasına və həyata keçirilməsinə kömək edib. Hərbi elmlərə dair bir neçə kitab yazıb.
