1960-cı illərin ikinci yarısında bakılı kriminal avtoritetin qızı Aslanxan Meretukovanın başçılıq etdiyi qəddar dəstə Azərbaycan SSR milisi üçün böyük problemə çevrilmişdi. Meretukova ailənin altıncı qızı idi və varis gözləməkdən yorulan atası Aslanxanı oğlan kimi böyütməyə başlayır.
Lent.az-ın xarici mediaya istinadən xəbərinə görə, o, kişi paltarı geyinirdi və yeniyetmə ikən atasının cinayətkar fəaliyyətinə qoşulur - o, oğurluqlar edərkən vəziyyəti müşahidə edərək "ayıq-sayıq dayanırdı". Qız asanlıqla gənc kimi davranmağı bacarmışdı: səsini asanlıqla dəyişmişdi və fiqurunu paltarların arxasında gizlətmişdi və sinəsini möhkəm sarımışdı.
Yetkinləşdikdən sonra Meretukova Pəncəli Aslan (Aslan pəncəsi) təxəllüsü götürür və öz dəstəsini yaratmağa qərar verir. Onun əsas şəriki krançı Arif Əliyev olub. O, qrupun yeganə daimi üzvü idi; Pəncəli Aslan hər basqından əvvəl digər quldurları işə götürür və sonra onlara pul ödəyir və bütün əlaqələri kəsirdi.
Quldurlar Bakı univermağının direktorunun qara “Volqa”sında gəzirmişlər: hər dəfə reyd günü Əliyev kranla qarajı qaldırırdı, oradan silahdaşları maşını oğurlayırdılar (“Avtomobildən qorun” filmindəki kimi), sonra da eyni şəkildə yerinə qaytarırdı. Quldurlar “Volqa”nın sahibinin səyahət cədvəlini dəqiq bildikləri üçün bu manevri dönə-dönə dəf etməyə müvəffəq olurdular və cinayətlərini bunu nəzərə alaraq planlaşdırırdılar.
Yeri gəlmişkən, dəstənin başçısının qadın olduğunu yeganə Əliyev bilirdi: bu sirr ona təsadüfən açılıb.
Buna görə də milis üçün əlçatmaz “Aslan pəncəsi” ilə bağlı həqiqət də böyük sürpriz olub: soyğunçular dəmir barmaqlıqlar arxasına düşməzdən əvvəl Bakıda və bir sıra rayon mərkəzlərində mağazalara 20-yə yaxın cəsarətli reyd keçirə biliblər. Hər dəfə onların mükafatı o dövrlər üçün böyük pul idi - 10-20 min rubl. Basqınçılar hər dəfə qurbanları silahla hədələyib, onlardan bir neçə dəfə istifadə ediblər, iki nəfər onların qurbanı olub.
Cinayətkarlar saxlanılandan sonra məlum olub ki, onlar qənimətin bir hissəsini uşaq evlərindəki uşaqlara veriblər. Ola bilsin ki, bu faktın sayəsində Meretukova, Əliyev və onların müvəqqəti şərikləri 15 il müddətinə azadlıqdan məhrum ediliblər - onların heç biri ölüm cəzasına məhkum edilməyib. Yeri gəlmişkən, prinsipcə, “Aslan pəncəsi” güllələnmə ilə təhdid edilmirdi – çünki SSRİ-də qadınlar ölüm cəzasına məhkum edilmirdi.
