Türkiyədə sərnişin havaya qalxmağa hazırlaşan təyyarədə uşaq dünyaya gətirib.
Lent.az xəbər verir ki, qadın doğum sancısı keçirən zaman təyyarə uçuş-enmə zolağında olub.
Hadisə Pegasus Hava Yollarına məxsus təyyarənin göyərtəsində baş verib. Təyyarə Fransaya uçmalı idi, lakin uçuşa hazırlaşarkən sərnişinlərdən biri qəfildən doğuş sancısı keçirib. O, 30 həftəlik hamilə idi.
Doğuş zamanı qadının köməyinə stüardessalar və feldşer gəlib və yeni doğulmuş körpənin dünyaya gəlməsinə kömək ediblər. Doğuşdan bir neçə dəqiqə sonra körpə və ana hava limanının həkim briqadasına təhvil verilib.