“Bu gün 03:35 radələrində Respublika Perinatal Mərkəzin binasında yanğın hadisəsi baş verib. FHN-in əməkdaşları tərəfindən yanğın qısa müddətdə söndürülüb”.
Lent.az xəbər verir ki, bunu APA-ya açıqlamasında Tibbi Ərazi Bölmələri İdarəetmə Birliyinin (TƏBİB) İcraçı direktoru Vüqar Qurbanov deyib. O qeyd edib ki, hazırda pasiyentlərin təxliyəsi həyata keçirilir:
“Onların böyük hissəsi TƏBİB-in tabeliyindəki digər müəssisələrə təxliyyə edilib. Bir nəfər əməkdaş zəhərlənmə dioqnozu ilə Toksikologiya Mərkəzinə yerləşdirilib. Təxliyyə işləri bitəndən sonra körpələrin son vəziyyəti barədə məlumat veriləcək”.
