Azərbaycanın futbol hakimlərinin qış təlim-məşq toplanışı ölkə xaricində təşkil olunacaq.
Bu barədə "Report"a AFFA-nın Mətbuat və İctimaiyyətlə Əlaqələr şöbəsinin rəhbəri Murad Axundov məlumat verib.
O bildirib ki, ədalət təmsilçilərinin hazırlıq prosesi yanvarın 12-18-i aralığında Türkiyənin Antalya şəhərində baş tutacaq.
Qeyd edək ki, futbol hakimlərinin ötən mövsümdə də qış toplanışı Antalyada təşkil olunmuşdu.