Baş Prokurorluq Cəlilabadda azyaşlıların kanalda boğulması ilə bağlı məlumat yayıb.
Qurumun mətbuat xidmətindən Lent.az-a bildirilib ki, dekabrın 29-da Cəlilabad rayonun Uzuntəpə kəndi ərazisindən keçən su kanalında 2016 və 2019-cu il təvəllüdlü 2 azyaşlı uşağın meyitinin aşkar olunması faktı ilə bağlı rayon prokurorluğunda araşdırma aparılır.
***
Cəlilabadda kanalda boğulanlar azyaşlı bacılardır.
Lent.az APA-ya istinadla xəbər verir ki, kanalda boğulanların 4 yaşlı Abdullayeva Nərmin Vüsal qızı və onun bacısı 7 yaşlı, birinci sinif şagirdi Leyla olduğu bildirilir.
İlkin məlumata görə, 4 yaşlı Nərmin kanala düşüb, bacısı ona kömək etmək istəyən zaman suya yıxılıb.
Azyaşlılardan birinin meyiti sudan çıxarılıb, digərinin axtarışları davam edir.
*** Saat: 16:57
Cəlilabadda iki nəfər kanala düşərək boğulub.
Lent.az APA-ya istinadla xəbər verir ki, hadisə rayonun Uzuntəpə kəndi ərazisində baş verib.
İki nəfərin kanala düşərək boğulduğu bildirilir.
Hazırda onların kimliyi dəqiqləşdirilir.
Faktla bağlı araşdırma aparılır.