Bakıda sürücü sükan arxasında infarkt keçirib.
Lent.az-ın məlumatına görə, hadisə paytaxtın Sabunçu rayonu ərazisində qeydə alınıb.
Bakı şəhəri sakini 1969-cu il təvəllüdlü Akif Rəhmanov idarə etdiyi "Renault" markalı 99-SB-773 dövlət nömrə nişanlı maşınla hərəkətdə olarkən sükan arxasında infarkt keçirib. Nəticədə avtomobil səkiyə çırpılıb. Xəstəxanaya yerləşdirilən A.Rəhmanov orada ölüb.
Faktla bağlı araşdırma aparılır.
Mənbə: lent.az