Qırğızıstanın Dövlət Milli Təhlükəsizlik Komitəsi kriminal avtoritet Rıspek Akmatbayevin qətlinin sifarişçisini üzə çıxarıb.
Lent.az xarici mediaya istinadla bildirir ki, məlumata görə, Akmatbayevin məhv edilməsinin arxasında Kamçı Kolbayev, Almanbet Anapiyaev, Boxa Kazarmanski kimi tanınan Bolot Samsəliyev və Rembo kimi tanınan M.Raimbekov dayanır.
Kolbayevin qatillərindən birinin dediyinə görə, cinayətdə hamı iştirak etməli idi, lakin güllələnmə zamanı Raimbekov prosesə rəhbərlik edən Kolbayevlə birlikdə maşın sürüb və Anapiyaev və Samsəliyev “qanuni oğru”ya atəş açıblar, sonra hadisə yerindən uzaqlaşıblar.
Kriminal avtoritet 2006-cı il mayın 10-da Qırğızıstanın Kok-Car kəndində məscidin yaxınlığında məhv edilib. Versiyalardan birinə görə, naməlum şəxslər onu “Kalaşnikov” avtomatı ilə vurub, sonra isə avtomobillə Bişkek istiqamətində qaçıblar. Hadisədən sonra cinayət işi açılıb.
