Xakasiya Ali Məhkəməsi Mordoviya Respublikasının 63 yaşlı sakini barəsində hökm çıxarıb. O, Rusiya Federasiyası Cinayət Məcəlləsinin 210.1-ci maddəsi (cinayət iyerarxiyasında ən yüksək vəzifə tutma) ilə təqsirli bilinib.
Lent.az-ın Rusiya mediasına istinadla məlumatına görə, məhkəmə müəyyən edib ki, 1994-cü ildə Moskvada müttəhimə “qanuni oğru” statusu verilib. O, qalan həyatını Xakasiyadakı islah müəssisəsində keçirib.
Lakin həbsxanada da eyni ideologiyaya sadiq olanları bir araya gətirərək kriminal subkulturanı təbliğ etməyə davam edib. Səlahiyyətini qorumaq üçün daim daxili nizam-intizamı pozub. Onun cəza çəkmə rejimində altı mindən çox pozuntusu var.
Cinayət işinə beynəlxalq cinayət-axtarış qrupunda olan təqsirləndirilən şəxsin iştirakı olmadan baxılıb.
Məhkəmə həmin şəxsi 10 il 10 gün müddətinə azadlıqdan məhrum etmə, 2 milyon rubl (təxminən 40 min manat) cərimə və iki il müddətinə azadlığın məhdudlaşdırılması cəzasına məhkum edib. O, cəzasının ilk 5 ilini həbsdə, qalan müddətini isə xüsusi rejimli islah koloniyasında keçirəcək.
