Rusiyanın Kurumoç hava limanında gömrükçülər Azərbaycandan “Tiffany” sırğaları ilə gələn sərnişini saxlayıblar.
Lent.az yerli mediaya istinadla bildirir ki, həmin şəxs “yaşıl” dəhlizdən keçərkən saxlanılıb. Gömrük əməkdaşları onun baqajına əlavə yoxlama keçirib və 1,5 milyon rubl dəyərində olan (təxminən 28 min 950 manat) bəyan edilməmiş “Tiffany & Co.” sırğaları aşkar ediblər. Bundan əlavə, turistin əlində orijinallıq sertifikatları və zinət əşyaları üçün qəbz də olub.
Qaçaqmalçılığa görə adamı 7 ilə qədər həbs və 1 milyon rubla (təxminən 19 min 200 manat) qədər cərimə gözləyir.
Mənbə: lent.az