Delta aviaşirkətinin sərxoş sərnişini əlavə içki və siqaret verilmədiyi üçün stüardessaya hücum edib.
Lent.az xəbər verir ki, Təl-Əvivdən Nyu-Yorka uçan təyyarədə baş vermiş hadisə zamanı sərnişin stüardessadan əlavə içki tələb edib. O isə öz növbəsində sərnişinin sərxoş olduğunu görərək ona içki verməkdən imtina edib.
Bundan sonra sərnişin stüardessaya hücum edərək onun paltarını cırıb. Lonq-Aylenddən olan 44 yaşlı sərnişin Şaşar Bivas hakim qarşısına çıxarılaraq 6 ay müddətinə azadlıqdan məhrum edilib.
O həmçinin o, 9500 dollar cərimə ödəməlidir.
Mənbə: lent.az