Rusiyanın Həştərxan vilayətində 32 yaşlı Azərbaycan vətəndaşının təqsirləndirildiyi mefedronun qanunsuz satışı ilə bağlı cinayət işi üzrə istintaq başa çatıb.
Lent.az yerli KİV-ə istinadla bildirir ki ixtisaslaşmış istintaq orqanları narkotik vasitələrin qanunsuz dövriyyəsi ilə bağlı məqalə üzrə materiallar hazırlayıb.
İş materiallarına görə, təqsirləndirilən şəxs 0,22 qram mefedronu 4000 rubla (təxminən 75 manat) satıb. Sövdələşmədən sonra o, narkotiklərə nəzarət əməkdaşları tərəfindən saxlanılıb. Təqsirləndirilən şəxs həm də narkomaniyadan əziyyət çəkir.
Xeyli miqdarda narkotik vasitələrin qanunsuz satışına görə təqsirləndirilən şəxsi 15 ilədək azadlıqdan məhrum etmə cəzası gözləyir.