"Qarabağ"ı UEFA Konfrans Liqasının III təsnifat mərhələsində Polşada "Dinamo"ya (Kiyev, Ukrayna) qarşı keçirəcəyi matçda 300-dən çox azarkeş dəstəkləyəcək.
Bu barədə "Report"un sorğusuna cavab olaraq Ağdam təmsilçisinin Kommunikasiya departamentinin rəhbəri Anar Hacıyev məlumat verib.
O, qonaq azarkeşlər tərəfindən 330 bilet alındığını bildirib.
"Dinamo" - "Qarabağ" matçı bu gün, saat 21:00-da Polşadakı "Lublin Arena"da start götürəcək. Matçı danimarkalı FIFA referisi Morten Kroq idarə edəcək.
Qeyd edək ki, komandalar arasında cavab matçı avqustun 13-də, saat 20:00-da Tofiq Bəhramov adına Respublika stadionunda təşkil olunacaq.
Mənbə: report.az