Şəkidə açıq ərazidə yanğın baş verib.
Lent.az APA-ya istinadən xəbər verir ki, hadisə rayonun Küdürlü kəndi inzibati ərazisində, yol kənarındakı açıq sahədə qeydə alınıb. Yanğının geniş əraziyə yayılmasının qarşısı alınıb.
Yanğın nəticəsində 7 hektar sahədə quru ot və kol-kos yanıb.
Bildirilib ki, hadisə zamanı xəsarət alan olmayıb. Yanğının söndürülməsinə Şəki Rayon Dövlət Yanğından Mühafizə Hissəsinin texnikası və şəxsi heyəti cəlb olunub.
Faktla bağlı araşdırma aparılır.
şəki yanğınMənbə: lent.az