Rusiyanın Sankt-Peterburq şəhərinin Kolpinski rayon Məhkəməsi Nevada şəhər sakininin başına butulka ilə vuran Azərbaycan əsilli şəxsi istintaq təcridxanasına göndərib.
Lent.az yerli KİV-ə istinadla bildirir ki, hadisə mayın 19-da baş verib. Yerli mağazalardan birində azərbaycanlı əvvəlcə mağazaya gələni döyüb, sonra isə zərərçəkənin başına şüşə qabı ilə zərbə vurub.
Bu cinayət işində şübhəli bilinən şəxs Rusiyada qeydiyyatda olmayan və özü də işləməyən Azərbaycan Respublikası vətəndaşı olub. Kişinin rəqibini kiçik səbəbdən döydüyü qeyd olunur. Bu, Sankt-Peterburq sakininin azərbaycanlının qeyri-ciddi davranışına cavab olaraq söylədiyi fikir olub. O, satıcı qadına ədəbsiz təklif edib. Daha sonra mübahisə düşüb.
- “Qızı çox kobud şəkildə incitdilər. Qız “yox” dedi, daha da kobud formada daha da incidərək cavab verdilər. Mən bütün bunları gördüm və dedim ki, niyə qızla belə danışırsan, sənin ananla belə danışsalar, xoşuna gələr? Ondan sonra mənə hücum etdilər”, - Dmitri adlı zərərçəkmiş bildirib.
Şübhəli iyulun 19-dək həbsdə qalacaq qalacaq. İş üzrə müttəhim Rusiya Federasiyası Cinayət Məcəlləsinin 213-cü maddəsi ilə ittiham olunarsa, onu ya 7 il həbs, ya da 1 milyon rubla (təxminən 18 min 900 manat) qədər cərimə gözləyir. Həmin şəxs istintaq təcridxanasına göndərilməsinə etiraz etməyib.
RF İstintaq Komitəsinin sədri Aleksandr Bastrıkin ondan Sankt-Peterburq sakininə hücumla bağlı istintaqın gedişi barədə hesabat təqdim etməyi tələb edib.
