Bakının Yasamal rayonunda iki sərnişin avtobusu toqquşub.
Lent.az APA-ya istinadən xəbər verir ki, hadisə Abbas Mirzə Şərifzadə küçəsində baş verib.
"Xaliq Faiqoğlu" MMC-yə məxsus sərnişin avtobusu metronun "20 yanvar" stansiyası istiqamətində hərəkətdə olarkən eyni istiqamətə gedən 194 saylı marşrut xətti üzrə hərəkət edən sərnişin avtobusuna çırpılıb. Qəza nəticəsində 6 nəfərin yaralandığı bildirilir.
Hadisə yerinə 3 Təcili Təxirəsalınmaz Tibbi Yardım Xidmətinin (TTTYX) avtomobili və canlı briqadası cəlb edilib.
