ABŞ-ın Alabama ştatında alimlər elm üçün böyük əhəmiyyət daşıyan yeni mağara balığı növü aşkar ediblər.
Lent.az xəbər verir ki, balığın genetik xüsusiyyətləri o qədər fərqli olub ki, tədqiqatçılar onu mövcud cinslərdən heç birinə aid edə bilməyərək tamamilə yeni cins kimi təsnif ediblər. Yeni növə Demogorgonichthys arcanus adı verilib. Qeyri-rəsmi olaraq isə ona "iblis balığı" da deyilir.
Balığın uzunluğu 5 santimetrdən azdır. O, tamamilə gözsüz, piqmentsizdir və işığı hiss etməyə cavabdeh olan genin bir hissəsi də yoxdur. Bu xüsusiyyətlər onun tam qaranlıq mağara mühitində yaşamağa uyğunlaşdığını göstərir. Alimlər bildirirlər ki, bu səviyyədə əhəmiyyətli kəşflər olduqca nadir hallarda baş verir.
Hazırda həmin növə aid cəmi 20-yə yaxın fərd aşkarlanıb. Mütəxəssislər hesab edirlər ki, bu nadir balıq mağara ekosistemlərinin təkamülü və canlıların ekstremal şəraitə uyğunlaşması ilə bağlı yeni elmi məlumatların əldə olunmasına kömək edə bilər.
alimlər kor balıq balıq növü
Mənbə: lent.az