Yay mövsümü ağır və kəskin ətirləri bir kənara qoyaraq yüngül, təravətli çiçək kompozisiyalarına üstünlük vermək üçün ən uyğun vaxt hesab olunur.
Lent.az bu ətirləri təqdim edir:
İsti havalarda çiçək notlarına malik ətirlər daha zərif açılır, yüngül və təravətli təsir bağışlayır. Bu da günün ən isti saatlarında belə baxımlı və zərif görünməyə kömək edir. Bu mövsümdə həm pion və yasəmən kimi incə notlar, həm də qızılgül, qardeniya və meyvə çalarları ilə zəngin kompozisiyalar trenddədir. Əgər çiçəklənən bağları, romantik əhval-ruhiyyəni və yay yüngüllüyünü xatırladan bir ətir axtarırsınızsa, həm klassik Chanel və Dior, həm də Byredo və Maison Francis Kurkdjian kimi niş brendlərin kompozisiyalarına diqqət yetirə bilərsiniz.
Jo Malone London Peony & Blush Suede Cologne
Bu zərif çiçək ətri gün ərzində davamlı qalması ilə seçilir. Həm oynaq, həm də eleqant xarakterə malikdir.
Əsas notlar:
qırmızı alma;
pion;
qızılgül;
yasəmən;
qərənfil;
zamşa.
Byredo Rose of No Man's Land Absolu
Brendin məşhur qızılgül ətrinin "Absolu" versiyası daha şirin və bir qədər tüstülü çalarlarla zənginləşdirilib. Üç müxtəlif növ qızılgül çəhrayı istiot, zəfəran və papirus notları ilə tamamlanır.
Əsas notlar:
qızılgül;
çəhrayı istiot;zəfəran;
qara qarağat;
papirus;
paçuli.
Maison Francis Kurkdjian Amyris Femme
Çiçək və meyvə ailəsinə aid zərif niş ətirdir. Oynaq, eyni zamanda sakit və gündəlik istifadə üçün ideal hesab olunur.
Əsas notlar:
limon çiçəyi;
armud;
Toskana irisi;
kəhrəba;
müşk;
vetiver.
Chanel Gardenia
Bu ətrin əsas xüsusiyyəti qardeniyanın zərifliyini yasəmən və portağal çiçəyi ilə birləşdirməsidir. Nəticədə yumşaq və təravətli çiçək qoxusu yaranır.
Əsas notlar:
qardeniya;
yasəmən;
portağal çiçəyi.
Gucci Flora Gorgeous Gardenia
Son dərəcə qadınsayağı çiçək-meyvə kompozisiyasıdır. Şirin və rahat təsir bağışlayan qoxusu, eləcə də estetik vintaj flakonu ilə məşhurdur.
Əsas notlar:
armud çiçəyi;
qardeniya;
qəhvəyi şəkər.
Dior Miss Dior Blooming Bouquet
Zərif və romantik çiçək ətridir. Əsl çiçək buketini xatırladan qoxulara üstünlük verənlər üçün ideal seçim sayılır.
Əsas notlar:
Kalabriya berqamotu;
Dəməşq qızılgülü;
pion;
ağ müşk.
Lancome Idole
Bu ətirdə klassik qızılgül daha yüngül və havadar formada təqdim olunur. Sitrus meyvələri və yasəmən notları kompozisiyanı daha parlaq edir.
Əsas notlar:
yasəmən;
müşk;
ağ qızılgül;
şipr akkordları.
Yay mövsümündə çiçək ətirləri həm gündəlik istifadə, həm də xüsusi tədbirlər üçün ən uğurlu seçimlərdən biri hesab olunur. Yüngül və zərif kompozisiyalar isti havalarda ağır təsir bağışlamır, eyni zamanda uzun müddət xoş təəssürat yaradır.
Dəb ətir yay ətirləri çiçək ətirləriMənbə: lent.az