“Kral klubu”nun keçmiş prezidenti Ramon Kalderon (2005-2009-cu illər) "Mejor llama" verilişində Florentinonun yenidən seçilməsi ideyasını tənqid edib. Peres artıq seçkilərdə qalib gəlib.
Lent.az-ın xəbərinə görə, “iusport”un qeyd etdiyi kimi, Peres klubu maliyyə çətinliklərinə salıb, çünki “Bernabeu”nun təmirinə həddindən artıq investisiya qoyuluşu və gəlir gətirən sxemlər (stadion restoranı və ya daha yüksək mənfəətlə konsertlər keçirmək imkanı) reallaşmayıb.
"Kimsə dünyanın ən çox gəlir gətirən təşkilatı ilə öyünən bir təşkilat üçün investor axtarırsa, bunun səbəbi pula ehtiyaclarıdır", - Ramon bildirib.
Lakin o, bununla kifayətlənməyib, Flonu 2009-cu ildə Kriştiano Ronaldonun transferi ilə bağlı yalan danışdığına görə tənqid edib və bunun üçün şəxsən məsuliyyət daşıdığını iddia edib.
Kalderon qəzəblənib və hətta iddiasını sübut etmək üçün sənədləri və yazışmaların surətlərini təqdim etməli olub.
"Ronaldo mən prezident olanda "Real"a gəlib".
Ramon bildirib ki, portuqaliyalı ilə ilkin əlaqələr və razılaşma onun dövründə əldə edilib və razılaşma Peresin dövründə yekunlaşdırılıb.
İdman xəbərləri
Mənbə: lent.az