KXDR nüvə silahlarından imtina etmək niyyətində deyil və nüvəsizləşdirmə ehtimalını da istisna edir.
"Report"un Koreya Mərkəzi Xəbər Agentliyinə istinadən məlumatına görə, bu barədə KXDR-in Xarici İşlər Nazirliyi bildirib.
"Bir daha aydındır ki, Koreya Xalq Demokratik Respublikasının "nüvəsizləşdirilməsi" heç vaxt baş verməyəcək", - bəyanatda deyilir.
Pxenyan bu cür tələblərin ölkənin daxili işlərinə təzyiq və müdaxilə kimi qəbul edildiyini vurğulayıb.
Nazirlik bildirib ki, KXDR suveren hüquqlarını və təhlükəsizlik maraqlarının müdafiəsinə davam edəcək.
Mənbə: report.az