Xırda əriştə ilə hazırlanan bu türk tərəvəz şorbasını çoxları əsl “vitamin bombası” adlandırır. Ev üsulu ilə hazırlanan bu tərəvəz şorbası tərəvəzləri, ədviyyatları və yumşaq əriştəni bir araya gətirir. Onun əsas özəlliyi tərəvəzlər blenderdən keçirildikdən sonra alınan kremvari tekstura və zövqə uyğun tənzimlənə bilən yüngül acılıqdır.
Lent.az bu resepti təqdim edir:
Tərkibi:
bitki yağı
kərə yağı
soğan
kartof
pomidor
kök
sarımsaq
qara istiot
qırmızı üyüdülmüş istiot
duz
nanə
cəfəri
nazik əriştə
su
Hazırlanması:
Bütün tərəvəzlər iri hissələrlə doğranır. Qazanda bitki yağı və kərə yağı qızdırılır. Doğranmış tərəvəzlər əlavə olunur və bir neçə dəqiqə yüngül şəkildə qovrulur. Daha sonra su və ədviyyatlar əlavə edilir. Tərəvəzlər tam yumşalana qədər bişirilir. Bişmiş tərəvəzlər blender vasitəsilə hamar püreyə çevrilir. Hazır pürəyə nazik əriştə əlavə olunur və yumşalana qədər bişirilir.
Əriştə şorbanı tədricən qatılaşdırır. Sonda nanə və cəfəri əlavə edilir. İstəyə görə şorbaya limon suyu və acı bibər də qatmaq olar. Bu sadəcə tərəvəz şorbası deyil, həm də sadə ərzaqlardan insanı isidən və rahatlıq hissi verən ləzzətli yemək hazırlamağın gözəl nümunəsidir.
Nuş olsun!
Mətbəx şorba pomidor əriştəli şorba tərəvəz şorbası
Mənbə: lent.az