Yunanıstan millisinin və "Olimpiakos" klubunun sabiq müdafiəçisi Paraskevas Antzas dünyasını dəyişib.
"Report" xəbər verir ki, bu barədə Pirey təmsilçisinin mətbuat xidməti məlumat yayıb.
Futbolçu 49 yaşında vəfat edib.
Paraskevas Antzas 1998–2009-cu illərdə "Olimpiakos"da çıxış edib. Bu müddət ərzində o, 197 oyuna çıxıb.
Antzas bu matçlarda 8 qol vurub, 5 məhsuldar ötürmə edib, həmçinin 41 sarı və 4 qırmızı vərəqə alıb.
Mənbə: report.az