Cəbrayılı həyat yoldaşım, oğlumla tərk etmişdim, indi nəvəmlə qayıdıram.
"Report"un məlumatına görə, bunu Cəbrayıl rayonunun Şükürbəyli kəndinə qayıdan keçmiş məcburi köçkün Sabir Bəbirov deyib.
S.Bəbirov bu günü çoxdan arzuladığını bildirib: "Allah şəhidlərimizə rəhmət eləsin, qazilərimizə can sağlığı versin. Bu günü bizə yaşatdılar. Allah Prezidentimizin canını sağ, ömrünü uzun eləsin.
Kəndimiz işğaldan azad olunandan sonra yurdumuza getmişəm. Özüm Cəbrayıl rayonunda işlə təmin olunmuşam. Uzun müddət idi ki, köçəcəyimiz günü gözləyirdik. Şükür, bu günü gördük".
Qeyd edək ki, bu gün Şükürbəyli kəndinə növbəti köç karvanları yola salınacaq. Bu mərhələdə Şükürbəyli kəndinə 119 ailə - 535 nəfər köçürüləcək.
Mənbə: report.az