Sizcə ən bahalı qida qara kürü və ya trüfeldir? Əslində isə yox. Elə bir məhsul var ki, qiyməti onlardan yüzlərlə, hətta minlərlə dəfə bahadır. Üstəlik, çox güman ki, onun adını eşitmisiniz, amma yəqin ki, dadına baxmamısınız və mağazada da almamısınız.
Lent.az xarici mediaya istinadən xəbər verir ki, söhbət dünyada ən bahalı ədviyyat hesab olunan zəfərandan gedir. Lakin “qramına görə ən bahalı məhsul” adına iddialı başqa məhsullar da var.
Zəfəran qida məhsulları arasında mütləq rekordçudur. Onun qiyməti bir kiloqram üçün 2 mindən 10 min dollara qədər dəyişir. Bu isə hər qram üçün təxminən 2-10 dollar deməkdir.
Bir kiloqram zəfəran əldə etmək üçün təxminən 150-200 min krokus çiçəyinin dişicikləri əl ilə toplanmalıdır. Hər çiçək ildə cəmi bir neçə həftə açır və yığım yalnız sübh tezdən, əl ilə aparılır. Əmək sərfi çox böyük, məhsuldarlıq isə olduqca azdır.
İkinci yerdə ağ trüfel (yerin altında yetişən, çox qiymətli və bahalı göbələk növüdür) dayanır
“White truffle” adlı bu göbələyin qiyməti kiloqramına görə 4-7 min dollar arasında dəyişir. O, əsasən İtaliyanın Piedmont bölgəsində yetişir və süni şəkildə becərilməsi mümkün deyil.
Trüfelləri xüsusi təlim keçmiş itlər axtarır. Əvvəllər donuzlardan istifadə olunsa da, onların tapdıqları göbələyi yeməyə çalışdığı üçün bu üsuldan imtina edilib. Bir kiloqram ağ trüfelin qiyməti işlənmiş avtomobil dəyərində ola bilər.
Üçüncü yerdə “Albino” kürüsü qərarlaşıb. Bu, yaşı 100 ilə çatan albinos bölgə balığının kürüsüdür.
Təsəvvür edin: bir əsrlik balıqdan əldə olunan kürü daha sonra qızıl qablaşdırmalarda satılır. Onun qiyməti kiloqramına görə 25 min dollara qədər yüksəlir. Bu, yalnız çox az insanın dada bildiyi əsl delikates sayılır.
Dördüncü yerdə Yaponiyanın Kobe bölgəsində istehsal olunan Wagyu beef (Yaponiyaya məxsus xüsusi mal əti növüdür) dayanır.
Bu ətin qiyməti kiloqramına görə 600-1000 dollar arasındadır. Ətin əsas xüsusiyyəti ona mərmər görünüşü və xüsusi şirəlilik verən incə yağ qatlarıdır.
Belə ət üçün yetişdirilən inəklərə masaj edilir, pivə verilir və xüsusi seçilmiş taxılla bəslənirlər. Ən yüksək keyfiyyətli ətin çıxışı isə heyvanın ümumi çəkisinin cəmi bir neçə faizini təşkil edir.
İlk beşliyi isə Kopi Luwak tamamlayır.
Bu, İndoneziyada istehsal olunan və palma sivetinin mədəsində fermentasiyadan keçən xüsusi qəhvədir.
Onun qiyməti kiloqramına görə 500-1000 dollar təşkil edir. Qəhvə dənələri heyvan tərəfindən yeyilir, həzm sistemindən keçir, daha sonra toplanaraq təmizlənir və qovrulur. Hesab olunur ki, bu fermentasiya içkiyə xüsusi dad verir.
dünyanın ən bahalı qida məhsuluMənbə: lent.az