Lavaşda “Crunchwrap” son vaxtlar ev şəraitində hazırlanan ən maraqlı fast-food alternativlərindən biridir. Bu yemək həm dadlı, həm də müxtəlif teksturaların bir araya gəlməsi ilə fərqlənir. Xarici görünüşü sadə olsa da, içindəki qatlar onu xüsusi və cəlbedici edir. Xüsusilə gənclər arasında sürətli və praktik yemək kimi böyük populyarlıq qazanıb. Evdə asanlıqla hazırlanması isə bu resepti daha da cazibədar edir.
Lent.az bu fast-food reseptini təqdim edir:
Lazım olan ərzaqlar
3 ədəd böyük lavaş
300 qram qiymə (mal və ya toyuq)
1 ədəd soğan (xırda doğranmış)
2-3 xörək qaşığı ketçup və ya pomidor sousu
100 qram rəndələnmiş pendir (mozzarella və ya holland)
2-3 ədəd tost çörəyi və ya nazik lavaş parçası (xırtıldayan qat üçün)
1 pomidor (doğranmış)
2-3 yarpaq kahı
Duz, qara istiot, paprika
2 xörək qaşığı yağ
Hazırlanma qaydası
1. İçliyi hazırla
Tavada yağı qızdır, soğanı əlavə et və yüngül qızart. Üzərinə qiyməni əlavə edib qarışdır. Duz, istiot və paprika vur. Sonda sous əlavə edib 2-3 dəqiqə bişir.
2. Xırtıldayan qat hazırla
Tost çörəyini və ya kiçik lavaş parçasını tavada azca qızart ki, xırtıldasın.
3. Yığma prosesi
Böyük lavaşı aç və ortasına:
qiyməli qarışıq
pendir
xırtıldayan qat (çörək)
pomidor və kahı
4. Qatla
Lavaşın kənarlarını mərkəzə doğru qatla ki, bağlansın və dairə formasını alsın. Hazır wrap-i qatlanan tərəfi aşağı olmaqla tavaya qoy. Hər iki tərəfini qızılı rəng alana qədər bişir.
Mətbəx crunchwrap resepti ev üsulu fast food