Yazın başlamasına bir aydan da az vaxt qalıb. Hər bir sürücü ilin bu vaxtları avtomobilini yeni fəsilə hazırlamaq üçün çalışır.
Çünki hava şəraitinin dəyişməsi yenə də sürücülərə xeyli çətinliklər yaradacaq. Buna görə də bir neçə vacib addımı yerinə yetirərək avtomobili yaza hazırlamaq lazımdır.
Lent.az avtomobili yaza hazırlamağın 5 vacib yolunu təqdim edir:
Yuma
Yazın əvvəlində, yəqin ki, avtomobilin səthi reaktivlərlə örtüləcək. Onları uzun müddət bu halda saxlaya bilməzsiniz, əks halda korroziya prosesləri özlərini hiss etdirəcək.
Yaz başlamazdan əvvəl avtomobil yaxşıca yuyulmalıdır. Qar əridikdən sonra proseduru təkrarlamaq məsləhətdir.
Kabin təmizliyi
Yazın əvvəlində avtomobilin təkcə xarici deyil, həm də daxili səthi təmiz olmalıdır. Çox güman ki, orada çoxlu kir yığılıb. Döşəmələr, kilimlər və plastik örtüklər təmizlənməlidir.
Siləcəklərin yoxlanılması
Havaların isinməsindən əvvəl sürücü şüşə silənlərin vəziyyətini yoxlamalıdır. Bu cihazların bir-birinə yapışmadığından və ya ön şüşədə çirkli izlər qoymadığından əmin olunmalıdır.
Hələ də problemlər varsa, rezin hissəni təmizləməli və təzyiqi tənzimləməlisiniz.
Mümkündür ki, siz yayları və ya hətta bütövlükdə siləcəkləri dəyişdirməlisiniz.
Batareyanın yoxlanılması
Yaz başlamazdan əvvəl batareyanı silməyə, kontaktları təmizləməyə və elektrolit səviyyəsində hər şeyin qaydasında olub olmadığını öyrənməyə dəyər.
Maye səviyyəsinin yoxlanılması
Qışın son günlərində sürücü kifayət qədər mühərrik yağı və əyləc mayesinin olub olmadığını öyrənməlidir.