ABŞ Prezidenti Donald Tramp Aparat rəhbəri Suzi Uaylsın (68) xərçəng diaqnozu qoyulduğunu və müalicə alarkən vəzifələrini davam etdirəcəyini açıqlayıb.
Lent.az xəbər verir ki, Tramp bu barədə öz sosial media hesabında paylaşım edib.
ABŞ prezidenti uzun illərdir onunla birlikdə çalışan Uaylsa döş xərçəngi diaqnozu qoyulduğunu açıqlayıb.
"Suzi Uayls fövqəladə bir Aparat rəhbəri, gözəl insan və tanıdığım ən güclü insanlardan biridir. Amma təəssüf ki, ona erkən mərhələdə döş xərçəngi diaqnozu qoyulub və gözləməkdənsə, dərhal bununla mübarizə aparmaq qərarına gəlib", - Tramp yazıb.
Suzi Uayls xərçəng prezident