Azərbaycanın əməkdar jurnalisti Valeh Məhərrəmli vəfat edib.
Bu barədə APA-ya Mətbuat Şurasından məlumat verilib.
Bildirilib ki, o bu gün uzun sürən xəstəlikdən sonra 73 yaşında yaşadığı mənzildə dünyasını dəyişib.
Qeyd edək ki, Valeh Məhərrəmli 1952-ci ildə Gürcüstanın Marneuli rayonunda anadan olub. 1991-ci ildən “Səs” qəzetində tərcüməçi, müxbir, məsul katib və baş redaktorun müavini kimi məsul vəzifələrdə çalışıb.
“Tərəqqi” medalına və “Əməkdar jurnalist” fəxri adına layiq görülüb.