Şirvanda baş verən qəzada sürücü ölüb.
Lent.az APA-ya istinadən xəbər verir ki, hadisə Şirvan şəhəri Mahir Aydınov küçəsində baş verib.
Şirvan sakini, 24 yaşlı Novruzlu Vüqar Eldar oğlunun idarə etdiyi VAZ 2106 markalı avtomobil sürətlə fərdi yaşayış evinin hasarına çırpılıb.
Sürücü ağır vəziyyətdə kəllə-beyin travması ilə Şirvan şəhər mərkəzi xəstəxanasının reanimasiya şöbəsinə yerləşdirilsə də, həyatını xilas etmək mümkün olmayıb.
