Bir çox insan qış aylarında səyahəti sevir. Əsasən də Milad və Yeni ili qeyd etmək üçün insanlar xarici ölkələrə axışırlar. Belə artan həyəcan istər-istəməz həmin günlərdə aviabiletlərin qiymətlərini artırır.
Lent.az xarici mediaya istinadən bildirir ki, 2024-cü ildə ən bahalı uçuşlar 16 dekabr - bazar ertəsi və 20 dekabr - cümə günü olacaq.
Mütəxəssislər bildiriblər ki, bu tarixlər çox güman ki, hava limanlarında ən işlək tarixlər olacaq və yüksək tələbat səbəbindən qiymətlər bahalaşa bilər. Bunun əvəzinə, səyahətçilərə uçuş qiymətlərinin enməyə meylli olduğu 23 dekabr - bazar ertəsi planlaşdırmağı təklif edirlər.
Həmçinin, dekabrın 28-dən 31-ə qədər olan vaxtda biletlər digər dövrlərə nisbətən daha ucuz olacaq.