Arxeoloqlar Sibirdə 2800 il əvvələ aid qədim məzarda təxminən 1000 çətənə toxumu aşkar ediblər. Tapıntı skiflərin qədim dəfn mərasimləri və bitkilərdən istifadə ənənələri ilə bağlı yeni məlumatlar ortaya qoyub.
Lent.az xəbər verir ki, bu barədə “ScienceDaily” Bern Universitetinin rəhbərlik etdiyi beynəlxalq tədqiqatın nəticələrinə istinadən məlumat yayıb.
Araşdırma Rusiyanın cənubi Sibir bölgəsində yerləşən Tuva Respublikasındakı qədim məzarlıqda aparılıb. Burada skif mədəniyyətinə aid yüksək statuslu şəxslərin dəfn olunduğu müəyyənləşdirilib.
Alimlər toxumlarla yanaşı, insan saçında qorunub qalmış kimyəvi izləri də təhlil ediblər. Əldə edilən nəticələr həmin dövrdə çətənə bitkisinin yalnız lif və yağ istehsalı üçün deyil, psixoaktiv xüsusiyyətlərinə görə də istifadə edilmiş ola biləcəyini göstərir.
Tədqiqatçılar tapıntını belə istifadəyə dair birbaşa tarixləndirilmiş ən qədim arxeoloji dəlillərdən biri hesab edirlər. Bu, qədim Avrasiya çöllərində dini və dəfn mərasimlərinin daha yaxşı öyrənilməsi baxımından əhəmiyyətlidir.
Sibir skiflər arxeologiya qədim məzar tarixi kəşf
Mənbə: lent.az