Türkiyənin Antalya vilayətində yerləşən otellərdən birində baş verən xlor sızması nəticəsində 25 nəfər zəhərlənib.
Lent.az yerli mediaya istinadla xəbər verir ki, hadisə Manavqatın məşhur turizm bölgəsi olan Qızılağac məhəlləsində yerləşən oteldə qeydə alınıb.
İlkin məlumata görə, zəhərlənmə dizinfeksiya məqsədi ilə istifadə edilən xlorun havaya yayılması zamanı baş verib. Hadisə nəticəsində həm otelin əməkdaşları, həm də qonaqlar xlordan zəhərləniblər.
Təhlükəsizlik məqsədilə onların hamısı yaxınlıqdakı xəstəxanalara çatdırılıb. Həkim müayinəsindən sonra zərərçəkənlərin hamısı evə buraxılıb. Məlumata görə, onların vəziyyəti qənaətbəxş qiymətləndirilir və həyati təhlükələri yoxdur.
Hadisələr Türkiyə xlordan oteldə zəhərlənmə dünyadan xəbərlər zəhərlənməMənbə: lent.az