“Kalaşnikov” avtomatları Rusiya Federasiyası İstintaq Komitəsinin prokurorlarının və müstəntiqlərinin şəxsi mühafizəsi üçün nəzərdə tutulan silahların siyahısına daxil edilib. Bu barədə Rusiya hökumətinin hüquqi informasiyanın rəsmi saytında dərc olunmuş qərarında bildirilir.
Lent.az yerli mediaya istinadla bildirir ki, sənəd hökumətin əvvəllər qəbul edilmiş qərarına dəyişiklikləri nəzərdə tutur. Eyni zamanda, hüquq-mühafizə orqanlarının əməkdaşlarına 9 mm-lik APS tapançalarından istifadə etməyə icazə verilib.