Ağdamda icra nümayəndəsi yol qəzasında ölüb.
Lent.az xəbər verir ki, hadisə rayonun Quzanlı qəsəbəsində qeydə alınıb.
39 yaşlı Cabarrov Fərrux Nazim oğlunun idarə etdiyi "Lada Priora" markalı avtomobil idarəetmədən çıxaraq ağaca çırpılıb. Nəticədə sürücü aldığı ağır xəsarətlərdən hadisə yerində dünyasını dəyişib.
Qeyd edək ki, F.Cabbarov Ağdam rayonu Əlimədətli kənd inzibati ərazi dairəsi üzrə icra nümayəndəsi vəzifəsində çalışıb.
Onu da qeyd edək ki, F.Cabbarovun sürücülük hüququ olmayıb. Həmçinin, o avtomobili etibarnaməsiz idarə edirmiş.
Faktla bağlı araşdırma aparılır.
Mənbə: lent.az