Futbol insanları təcrid etməli deyil, birləşdirməlidir.
"Report" xəbər verir ki, bunu Böyük Britaniyanın Baş naziri Kir Starmer "X" sosial şəbəkə hesabında yazıb.
"Turnir başlayandan bəri ilk dəfə olaraq azarkeşlər UEFA Çempionlar Liqasının (ÇL) finalını pulsuz izləyə bilməyəcəklər. Bu, düzgün deyil", - K. Starmer vurğulayıb.
Onun sözlərinə görə, bu, tarixi finalda sadəcə "Arsenal"ı izləmək istəyindən daha böyük məsələdir: "Bu, bir klubdan daha artığıdır. Zəhmətkeş insanlar bu matça baxmaq üçün abunəyə pul xərcləməli deyillər. Mən "TNT Sports"u qərara yenidən baxmağa və gələn şənbə günü keçiriləcək finalın izlənməsini pulsuz etməyə çağırıram".
Qeyd edək ki, 22 il sonra İngiltərə çempionu olan "Arsenal" ÇL-nin finalında PSJ ilə qarşılaşacaq. Final mayın 30-da Budapeştdə keçiriləcək. Bu oyunun qalibi mayın 21-də UEFA Avropa Liqasında finalında "Frayburq"u məğlub edən İngiltərənin "Aston Villa" kollektivi ilə UEFA Superkuboku uğrunda üz-üzə gələcək.
Mənbə: report.az